O’zbekistonda hamyonbop yengil avtomobillar soni kamaymoqda.
2025-yilning I choragida UzAuto Motors Cobalt, Damas va Onix ishlab chiqarishini oshirdi, biroq arzon yengil avtomobillar segmentida taklif qisqardi:
- Lacetti, Spark va Nexia ishlab chiqarilishi to’xtatildi;
- Damas — bu tijorat transport vositasi;
- Onix — arzon avtomobil bo’lish uchun juda qimmat.
Natijada: 2024-yilning I-choragida zavod 37 167 dona arzon yengil avtomobil (Cobalt va Lacetti) ishlab chiqargan bo‘lsa, 2025-yilda bu ko‘rsatkich atigi 32 208 taga (faqat Cobalt) tushgan.
Shu bilan birga, bozorda yangi Chevrolet Cobalt narxlari tushib bormoqda — Midnight versiyasi $12 500–$12 700 atrofida, rasmiy dilerlikdagi narxi esa $12 000.
Ehtimol, spekulyativ talab pufagi nihoyat so‘na boshladi va tez orada Cobalt ham, Damas kabi navbatsiz sotuvga chiqadi.
Eslatib o‘tamiz, Chevrolet Cobalt’ning erkin savdosi bir necha yildan beri yopiq. Avvalroq shartnoma olish uchun 18 oygacha kutish mumkin edi, biroq 2023-yildan boshlab shartnomalar yiliga bir necha marta ochiladi — ularni olish esa oson emas: ba’zida avtorizatsiya ishlamaydi, ba’zida tizim osiladi…
Yaxshi yangiliklardan biri shuki — UzAuto Motors avtomobil narxlari oshishini kamida 15 kun oldin e’lon qilishga majbur. Hozircha esa Chevrolet.uz saytida eski narxlar turibdi, demak, yaqin kunlarda narx oshishi kutilmayapti.
-
-
-
-
-
-
