Vazirlar Mahkamasi Qarori Bilan Yangi Qoidalar O’rnatildi: Yiliga Bitta Avtomobil Bir Pasportga.
UzAuto Motors Avtomobillarini Sotib Olishda Yangi Cheklovlar Joriy Etildi
UzAuto Motors endi bir xaridorga 12 oy davomida sotiladigan avtomobillar sonini cheklash huquqiga ega. Vazirlar Mahkamasi qarori asosida, yangi qoida joriy etildi: yiliga bitta avtomobil bir pasportga. Bu qaror yangi avtomototransport vositalarini chakana sotish tartibini yanada takomillashtirish va iste’molchilarning huquq va manfaatlarini himoya qilish maqsadida qabul qilindi. Tegishli buyruq 2023 yil 25 dekabr kuni №683 raqam ostida e’lon qilindi.
Vazirlar Mahkamasining 2003 yil 13 fevraldagi 75-son qarori bilan tasdiqlangan O’zbekiston Respublikasida chakana savdo qoidalari quyidagi mazmundagi 119—1 band bilan to’ldirildi:
«119—1. Sotuvchi oldi-sotdi shartnomasini tuzishda barcha iste’molchilarga teng imkoniyatlarni yaratadi.
Agar bozorda ustun mavqega ega sotuvchida o’zi tomonidan ishlab chiqarilgan avtomototransport vositasini sotishda ichki bozordagi talabni qondirish imkoniyati mavjud bo’lmaganda, bir shaxs bilan 12 oy davomida avtomototransport uchun ikkitadan ortiq shartnoma tuzilganda, sotuvchi keyingi 12 oy mobaynida ushbu mahsulot uchun qayta shartnoma tuzishdan bosh tortish huquqiga ega».
Bu qoidalarning joriy etilishi avtomobil sotib olish imkoniyatlarini barcha xaridorlar orasida adolatli tarqatish va bozorni ayrim xaridorlar tomonidan monopolizatsiya qilinishining oldini olish maqsadida amalga oshirilmoqda.
