Chernyayevkadagi chegara rekonstruksiya sababli yopiladi. O‘zbekiston va Qozog‘iston o‘rtasidagi G‘isht ko‘prik/Jibek joli qishlog‘idagi chegara nazorat-o‘tkazish punkti 5-fevraldan boshlab faoliyatini to‘xtatadi.
Chernyayevkadagi chegara 5-fevraldan yopiladi
O‘tgan yilning o‘rtalaridan boshlab O‘zbekiston tomonidan Chernyayevkadagi nazorat-o‘tkazish punktida chegara o‘tish joyining o‘tkazuvchanlik qobiliyatini oshirish maqsadida qurilish ishlari olib borilmoqda.
Hozirgi kunda Chernyayevka Toshkent viloyatidagi Qozog‘iston bilan chegaradagi asosiy piyodalar o‘tish punkti hisoblanadi. Bu chegara orqali xususiy savdo va transport vositalari katta oqimda o‘tadi.
Avvalroq Qozog‘iston Davlat daromadlari qo‘mitasi Chernyayevka o‘rniga Qoplonbek/Navoiy nazorat-o‘tkazish punkti faoliyat yuritishini ma’lum qilgan edi.
Qoplonbek nazorat-o‘tkazish punkti modernizatsiya qilinganidan so‘ng ochilgan va 5-fevraldan to‘liq quvvatda ishlashni boshlaydi.
