Kia kompaniyasi o’zining yangi krossoveri Sonet’ni O’zbekiston bozorida rasman taqdim etdi. Bu yangilik avtomobil ishqibozlarini qiziqtirmay qolmaydi, chunki Sonet modeli nafaqat zamonaviy dizayni va yuqori sifati bilan, balki o’zining raqobatchilariga qaraganda ancha arzon narxi bilan ham ajralib turadi. Kia’ninig rasmiy veb-saytida e’lon qilingan va tez orada olib tashlangan ma’lumotlarga ko’ra, Sonet avtomobili uchta asosiy konfiguratsiyada taqdim etiladi:
- Sonet Classic (Mehanika) — 190 million so’m ($15 000). Bu eng arzon versiya bo’lib, asosiy xavfsizlik va qulaylik xususiyatlarini o’z ichiga oladi.
- Sonet Luxe (Variatior) — 223 million so’m ($17 700). Bu versiya qo’shimcha qulaylik xususiyatlarini taqdim etadi.
- Sonet Prestige (Variatior) — 240 million so’m ($19 000). Eng qimmat konfiguratsiya bo’lib, eng yaxshi texnologiya va xavfsizlik xususiyatlarini o’z ichiga oladi.
Barcha versiyalar 1,5 litrli atmosfera motori va 115 ot kuchiga ega bo’lib, bu ularni shahar ichida va shahar tashqarisida birdek samarali qiladi. Asosiy konfiguratsiyada quyidagi xususiyatlar mavjud: frontal xavfsizlik yostiqchalari, ABS (Antibloklovka tizimi), ESC (Kursni barqarorlashtirish tizimi), HAC (Yonilg’ini ko’tarishda yordam berish tizimi), ISOFIX bolalar o’rindig’i mahkamlash tizimi, LED orqa chiroqlar, LED kunduzgi yoritish chiroqlari, LED gabarit chiroqlari, qora porlashli radiator panjarasi, LED faralar, old va orqa bamperga kumush rangli qoplama, 16 dyuymli g’ildiraklar 215/60R16 o’lchamdagi shinalar bilan.
Qimmatroq versiyalarda esa quyidagi imkoniyatlar mavjud: orqa ko’rinish kamerasi, Smart Key kirish tizimi va tugmacha bilan dvigatelni ishga tushirish, masofadan dvigatelni ishga tushirish, yorug’lik sensori, klimat-kontrol, orqa parking sensorlari, kruiz-kontrol, old o’rindiqning orqa qismida cho’ntaklar, tashqi eshik tutqichlarida xromlangan chiziqlar, avtomatik qoraytiriladigan salon ko’zgusi (ECM), avtomatik eshik oynalari, old o’rindiq ventilyatsiyasi, orqa ko’rinish oynalarini elektr boshqaruv bilan katlash, old parking sensorlari, 8 dyuymli rangli ekranli multimedia tizimi, Android Auto va Apple Carplayni qo’llab-quvvatlash
-
-
-
-
-
-
