Avtomobil raqami orqali haydovchiga xabar yuborish mumkin bo‘ldi
Endi faqat mashina raqamini bilgan holda haydovchiga xabar yuborish mumkin. Road24 ilovasida yangi “AvtoSignal” funksiyasi ishga tushirildi.
O‘zbekistonda Road24 ilovasi yangi “AvtoSignal” funksiyasini ishga tushirdi. Bu funksiya yordamida mashina raqamini bilgan holda haydovchiga xabar yuborish mumkin. Foydalanuvchi quyidagi xabarlarni tanlab, avtomobil egasiga jo‘natishi mumkin:
- Mashina yo‘lni to‘sib qo‘ygan
- Yo‘lda avariya bo‘lgan
- Faralar yoqilgan (unutib qoldirilgan)
- Mashina evakuatsiya qilinmoqda
- Mashina qulflanmagan
- G‘ildirakda havo yo‘q
- Orqa faralar ishlamayapti
- Rahmat, yo‘l berdingiz
- Zor mashina!
Xabar anonim tarzda jo‘natiladi, biroq haydovchi yuboruvchining geolokatsiyasini ko‘rishi mumkin. Bu funksiyadan foydalanish uchun avtomobil Road24 tizimida ro‘yxatdan o‘tgan bo‘lishi kerak.
📲 Road24 Yuklab olish:
Road24 ilovasi haqida qisqacha
“Road24.uz — jarimalar” – YHXBB rasmiy bazasiga ulangan va jarimalarni tekshirish hamda to‘lash imkonini beruvchi ishonchli mobil ilova.
📌 Ilovaning asosiy imkoniyatlari:
Davlat raqami va texnik pasport/PINFL orqali jarimani tekshirish
Bir nechta mashinani nazorat qilish – taksi parklar va kompaniyalar uchun qulay
Jarimalarni fotosurat va videolar bilan ko‘rish
Uzcard va HUMO orqali to‘lov
Chekni saqlab qo‘yish va YHX xodimiga ko‘rsatish
Push-xabarnoma: yangi jarima va 30% chegirma muddati tugashidan 7 va 2 kun oldin eslatma
Sug‘urta va texnik ko‘rikni tekshirish (tez kunda)
E-polis orqali onlayn sug‘urta xarid qilish (tez orada)
VIN raqam orqali YTH mavjudligini aniqlash
YHXBB ma’lumot almashinuvini to‘xtatdi — Road24 ishlashda davom etmoqda
Avvalroq YHXBB matbuot kotibi Zoir Yuldashev Road24 ilovasi bilan ma’lumot almashinuvi to‘xtatilganini e’lon qilgandi. Endi jarimalar faqat rasmiy “Safe Road YHXX” ilovasi orqali ko‘rsatiladi:
📎 Yuklab olish:
Google Play
App Store
Shunga qaramay, Road24 texnik ko‘magi bu xabarni rad etdi — ilova hozirda to‘liq ishlamoqda. Ayni paytda ikkala dastur ham bir xil xizmatlarni taklif qilmoqda.
