BYD Song Plus: Champion, Honor 2024, Restyling 2025 va Smart Drive 2026 versiyalari qanday farqi bor?

BYD Song Plus (yoki boshqa bozorlarda BYD Seal U yoki Sealion 6 nomi bilan mashhur) – hozirda eng ko‘p sotilayotgan elektr va gibrid krossoverlardan biri bo‘lib, O‘zbekistonda ham rasmiy va norasmiy yo‘llar bilan katta talabga ega.

Ammo bu model har doim ham bir xil emas. BYD har yili yangilangan modifikatsiyalarni chiqaradi – ba’zida ular foydali, ba’zida esa kerakli funksiyalar olib tashlanadi. Shuning uchun BYD Song Plus xarid qilishda sizga mos versiyani tanlash muhim.

Quyida turli yillarda chiqqan BYD Song Plus versiyalari va ularning farqlari keltirilgan.

---

2021 – Song Plus (dorestyle, birinchi avlod)

Dizayn: BYD Dynasty seriyasi — “ajdar panjasi” faralar va an’anaviy BYD old optikasi.
Texnika: 160 kWt motor, 330 Nm moment, 87 kWt LFP batareya.
Ichki qismi: eski dizayn, to‘liq to‘plam.

---

2023 – Song Plus Champion (restayling 1)

Kuzov: Ocean seriyasiga o‘tildi, dizayn yangilandi, disklar va optika yangilandi.
Ichki: rulda iyerogliflar yo‘q, yangi markaziy konsol.
Qurilmalar:

• 15.6 dyuymli planshet, Dilink 4 tizimi

• Infinity by Harman audio (9 dinamik + sabvufer)

• 2 ta 20W simsiz zaryadlash, sovitishsiz

• 12 ta parktronik, avtomatik to‘xtash
  Yoqilganlar:

• Xavfsizlik tizimlari kuchaytirildi
  Olib tashlanganlar:

• Orqa ko‘rish oynalarining avtomatik bukilishi

• Yoritilgan burilish burchagi (povorot)

• Xotira funksiyasi (o‘rindiq sozlamasi)

---

2024 – Song Plus EV (Honor Edition)

Tashqi ko‘rinish o‘zgarmagan, ammo narx keskin tushirilgan.
Bu versiya aynan O‘zbekiston bozorida eng ko‘p olib kirilgan modelga aylandi.
Ustunlik: arzon, lekin texnik jihatdan kuchli.
Kamchilik: ko‘p funksiyalar olib tashlangan.

---

2025 – Restayling 2025 (Model “25 yillik”)

Ichki o‘zgarish:

• Salon ranglari: ko‘k-oq o‘rniga bej-jigarrang

• 1 dona simsiz zaryadlash (50W), sovitish bilan

• Yangi Dilink 5 planshet

• Rul isitish mavjud
  Yangi opsiyalar:

• Bagajda LED logo

• Yangilangan disklari
  Olib tashlanganlar:

• Sabvufer

• Old paneldagi atmosfer yoritish

• O‘rindiq xotirasi

Yevropa versiyasida mavjud:

• HUD ekran

• Qattiqlashtirilgan osma (qiya burilishlarda kamroq egilish)

---

2026 – Smart Drive (restayling 2, Eye of God)

• Yangi rul (Seal 07 uslubida), kruiz boshqaruvi uchun paddle-shift

• 3D kameralar va avtopilot tizimi

• Aqliy yordamchi (Tesla yondashuvi)

• Sovutuvchi LFP batareya – oldingi “odatiy” batareyadan ustun

• Avtomobillar, piyodalar, svetoforlar ko‘rinadigan vizual haydovchi displeyi

Yoqilganlar:

• HUD, sensorlar, kamera tizimi
  Olib tashlanganlar:

• Bagaj qopqog‘i, old kapot qopqog‘i

• Shtorochka (bagaj zonasi uchun)

---

Qanday versiyani tanlash kerak?

Agar siz BYD Song Plus xarid qilmoqchi bo‘lsangiz – Champion va Smart Drive eng funksional versiyalar hisoblanadi. Ammo narxi past bo‘lgan Honor Edition ham amaliy variant bo‘lishi mumkin.

📌 Tavsiyalar:

• Texnik hujjat va ishlab chiqarilgan oyiga e’tibor bering.

• Champion va Smart Drive — zamonaviy, ko‘p opsiyali.

• Honor Edition — arzon, lekin minimalist.